لاتنشدين الغصـن وش فيـه ذاوي
مليت اجاوب كل مـن صـاح نشـاد
هــذي مــواري علـتـي والـبـلاوي
وهذي مواري دمعتي حزن وحـداد
هـذي جـروحٍ مبطـيـه يامـضـاوي
دايم عليهـا تنـزف اجـروحٍ اجـداد
جرحٍ عطيبٍ وازرق الدمـع كـاوي
وليل الشقا يضرب على خافقٍ باد
جرح الزمن اصبح لقلبي مخـاوي
مثل الرفيق اللي عن الدرب ماحاد
اسيـر قلبـي فـي همومـه شـقـاوي
كنـه سجيـنٍ سيـق للمـوت منـقـاد
لاعـاد لـه ضحـكٍ ولا لـه غـنـاوي
ولا له مـع العالـم تباشيـر واعيـاد
بين الظلـوع يجـر صوتـه خـلاوي
يغني جروحه شقى .. هم واسهاد
وش حيلتـه لاصـار طيـره نـداوي
الـوقـت جـايـر والمخالـيـق نـقــاد
هاذي الابيات لشاعر مااعرف اسمه
تاملوو فيها جيدا واسرحوا بالخيال قصم بالله روعه
الابيات حزينه جدا شكله عاشق وهايم ورايح فيها
مير صح لسانه ابدع بالتصوير والاحساس بالقصيده عالي جدا